Dita e Gënjeshtrave, që festohet më 1 Prill çdo vit, ka një origjinë të panjohur, por është festuar për shekuj nga kultura të ndryshme. Tradita përfshin shakatë dhe gënjeshtrat , shpesh me thirrjen "Gënjeshtra prilli!" për të zbuluar shakanë. Pavarësisht misterit mbi origjinën, festa vazhdon të jetë popullore.
Origjina e Ditës së Gënjeshtrave të Prillit mund të lidhet me vitin 1582, kur Franca kaloi nga kalendari Julian në kalendarin Gregorian. Në kalendarin Julian, viti i ri fillonte rreth ekuinoksit pranveror, më 1 prill. Ata që vonuan të merrnin lajmet ose nuk e kuptuan ndryshimin e datës dhe vazhduan të festonin vitin e ri më 1 prill, u shndërruan në objekt shakash dhe gënjeshtrash. Këto shaka përfshinin veprime si vendosja e një peshku prej letre në shpinë të dikujt, duke e quajtur atë "poisson d'avril" (peshk prilli), simbol i një peshku që kapet lehtësisht, si një person i thjeshtë për t'u mashtruar.
Në kohët moderne, Dita e Gënjeshtrave të Prillit është shfrytëzuar për të krijuar mashtrime të sofistikuara nga gazeta, radiot, televizionet dhe faqet e internetit. Shumë prej këtyre mashtrimeve kanë bërë histori, si në vitin 1957 kur BBC raportoi një prodhim rekord të spagetit në Zvicër, ose në 1985, kur Sports Illustrated publikoi një artikull të sajuar për një gjuajtës të shpejtë imagjinar. Në vitin 1992, NPR mashtroi publikun me një "intervistë" të Richard Nixon duke u kandiduar për president, ndërsa në 1996, Taco Bell dhe Burger King me mashtrime si blerja e Liberty Bell dhe prezantimin e "Left-Handed Whopper". Google gjithashtu merr pjesë çdo vit me shakatë e saj kreative./E.P-dritare.net
