Kosova në prag të zgjedhjeve të jashtëzakonshme, sot shpërndahet kuvendi

Ishte parashikuar që sot në orën 10:00 të fillojë seanca për shpërndarjen e kuvendit të Kosovës, por kjo seancë duket se do të fillojë disa minuta me vonesë pasi tanimë vetëm pak deputetë kanë shkuar në sallë.

Sot, pritet që të shpërndahet Kuvendi, dhe Presidenti të shpallë zgjedhjet e jashtëzakonshme brenda 45 ditëve.

Shpërndarja e kuvendit pritet të ndodhë, pasi kryeministri Ramush Haradinaj ka dhënë dorëheqjen nga posti pasi është ftuar nga Gjykata Speciale, e cila heton krimet e luftës.

Prej vitit 2001 nga 6 qeveri dhe 8 mandate, asnjë kryeministër nuk ka arritur të përfundojë mandatin e tij./ I.M-Dritare.net