Greta Koçi na zbulon për herë të parë, kuptimin e emrit

Shumë vipa përzgjedhin “Ask me a question” për të zbuluar më shumë për veten e tyre dhe për të ndarë me fansat disa sekrete të vogla. Edhe këngëtarja, Greta Koçi, së fundmi na ka zbuluar një ‘sekret’, kuptimin e emrit të saj. Një nga fansat e këngëtares e kishte pyetur Gretën se, cili është kuptimi i emrit të vet. Ndërkohë këngëtarja shprehet se, po e zbulon këtë histori për herë të parë.

“Emrin ma ka vënë mamaja ime. Po e them këtë histori për herë të parë. I ndjeri koreografi më i mirë që ka pasur Shqipëria, Agron Alija ka pasur një vajzë që ka qenë pianiste. Ajo quhej Greta dhe mamaja ime thotë se, ka qenë një vajzë e zonja, e talentuar dhe shembull. Një vajzë me të gjitha cilësitë e një zonjushe të mrekullueshme. Ndoshta ajo nuk e di, por po ia them sot...”Unë jam ajo Greta, që prej mirësisë tende kam marrë emrin tënd.”,- shkruan Greta në Instastory./K.C/dritare.net