Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Fake News/ Si gazetari italian po vë në provë Kosovën dhe Bosnjën!

E Martë 11 Shkurt 2020, 14:02

Dritare.net

Fake News/ Si gazetari italian po vë në provë Kosovën dhe
Fake News është një ndër sfidat më të mëdha të medieve në këtë shekull, i cili ndër të tjera ka edhe sfida gjigante, nga ekstremizmi i dhunshëm, te populizmi. Por së fundmi, mediet në Kosovë dhe Bosnje e Hercegovinë, por edhe mediet e tjera rajonale kanë rënë disa herë pre e fake news.

Të martën, zëvendëskryeministrja e Bosnjës dhe Hercegovinës, Bisera Turkovic përmes një postimi në Twitter, lajmëron se krimineli Ratko Mlladiç ka ndërruar jetë në Hagë.

Para disa ditësh ministrja e re e Kulturës në Kosovë po ashtu përmes Twitter-it njoftonte vdekjen e shkrimtarit të madh Ismail Kadare.

Edhe Glauk Konjufca, ministër i Jashtëm i Kosovës, përmes një postimi në Twitter njoftonte se Marti Ahtisari ka vdekur.

Por të gjitha këto statuse nga emra të njohur, janë thjesht një lojë.

Pas këtyre qëndroi pedagogu i Gazetarisë dhe gazetari italian, Tommaso De Benedetti.

Ky i fundit prodhon fake news që në vitin 2011, ndërsa qëllimi i tij është te ndërgjegjësojë medien dhe gazetarët për të verifikuar burimet e tyre. Në Ballkan shumë media kanë marrë këto statuse dhe i kanë bërë fakt të kryer, pa kontaktuar me personat përkatës dhe pa verifikuar ketë informacion. Prandaj, detyra e gazetarit është të verifikojnë çdo informacion, sidomos ato që merren online, dhe në rrjete sociale, këto të fundit një makineri e vërtetë fake news-i./ I.M-Dritare.net