Erion Kristo: Opozita të ndërrojë strategji, protestat më duken joefikase

Pedagogu Erion Kristo i ftuar në emisionin “Arena” në RTV Ora tha se strategjia e opozitës me protesta për mendimin e tij është joefikase dhe për këtë opozita duhet të mendojë diçka tjetër.

Pjesë nga biseda në studio: 

Kristo: Për mua protesta edhe me një njeri ka vlerën e vet.

Hila: Nuk u duk sikur kishte një rënie tempi dhe një lloj zhgënjimi si pasojë e 30 qershorit?

Kristo: Po zhgënjim sepse u premtua një betejë e fituar dhe beteja në fakt nuk u fitua, por u humb. Dhe njerëzit me të drejtë kërkojnë llogari. Na çove, erdhëm, bëmë çfarë deshe, tani pse s’na doli llogaria?

LEXO DHE :  Nisin reshjet e shiut/ Pasditja me erë dhe rrebeshe

Plus edhe vera, vapa ka efektin e saj. Puna është me këto protesta ku do shkohet? Pra cila është strategjia e opozitës? Sepse nëse është një strategji e tillë që një herë në javë, apo dy javë do të mblidhemi para kryeministrisë, do nxjerrim celularët, do bëjmë dritë dhe do kthehemi prap në shtëpi, kjo pastaj kthehet në të kundërtën e vet. Ne vend që të ndryshojë sistemi demokratik, zbeh forcën e protestës. Opozita duhet të ketë një riorganizim dhe nuk duhet t’i mbledhë njerëzit për inat dhe të bëjë një strategji tjetër, sepse kjo e protestave mua më duket joefikase. / I.M-Dritare.net

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.