Elbasan/ Pema shekullore që nxjerr gjak, fruti i saj është i rrallë
E Premte 29 Qershor 2018, 15:03
Dritare.net
Fruti është i ngjashëm me maranat në pamje të parë, megjithëse në shije është disi më ndryshe dhe e vëren lehtë diferencën.
Sipas banorëve, fruti është i ëmbël dhe me një shije të veçantë, transmeton “infoelbasani”. Të moshuarit e lidhin atë me disa besëtytni si “pema me gjakun e Krishtit”, apo të tjerë me “kurbanin e Muhamedit”.
Pavarësisht këtyre, frutat e pemës konsiderohen me vlera të larta për shëndetin dhe, për shkak të ngjyrës, kjo bëhet akoma më e besueshme. Është koha kur frutat janë pjekur, dhe mjaft banorë drejtohen për tek “pema e gjakut” për të shijuar frutat dhe për të konsoliduar shëndetin.
Sigurisht që kjo pemë nuk ndodhet vetëm në Elbasan, por që është shumë e rrallë në vendin tonë./d.m-dritare.net
