
E morën për ta provuar/ Shqiptarit të Kosovës i vjedhin makinën 30.000 euro në Fushë-Krujë
E Mërkurë 21 Gusht 2019, 20:08
Dritare.net

Një shtetas nga Kosova, ka ardhur për ta shitur makinën e tij tip “Audi A6” me vlerë 30.0000 euro në vendin tonë.
Dritare.net mëson se shtetasi i Kosovës, është takuar me pronarin e një lokali në Fushë-Krujë, ndërsa dhëndrri i pronarit ka marrë makinën për ta provuar në orën 08:00 të mëngjesit të ditës së sotme.
Pasi ai e ka marrë makinën, ai është zhdukur ndërsa ende nuk është kthyer.
Dritare.net ka kontaktuar me policinë e Durrësit, të cilët e kanë konfirmuar rastin, pa dhënë shumë detaje.
Shtetasi i Kosovës nga ana tjetër, ka bërë kallëzimin në polici, ndërsa është lajmëruar edhe amabsada e Kosovës, dhe stafi i saj aktualisht ndodhen në Fushë-Krujë./ Isa Myzyraj-Dritare.net

















