Deklaratat e Dvoranit/Presidenca: Nga një dhunues i Kushtetutës, nuk presim reflektim publik

Kreu i Këshillit të Emërimeve në Drejtësi, Ardian Dvorani, u mor në pyetje sot për disa orë, në lidhje me kallëzimin penal, që kreu i shtetit Ilir Meta, ka bërë ndaj tij. Dvorani, në një prononcim për mediet tha se, ka dëshmuar faktet dhe rrethanat ashtu siç kanë ndodhur. Pas kësaj deklarate, ka reaguar edhe zëdhënësi i presidentit, Tedi Blushi, i cili shkruan në facebook, se nga një dhunues i Kushtetutës dhe ligjit, nuk pret që të ketë një reflektim publik.

“Nga një dhunues me dashje i Kushtetutës dhe i ligjit, i mirëdokumentuar, i provuar dhe përsëritës në shkeljen e tyre, nuk presim asnjë reflektim publik.

LEXO DHE :  Konfirmohet rasti i parë me koronavirus, në Rumani

Ne do të vazhdojmë të bashkëpunojmë me organin e akuzës për të vendosur drejtësinë në vend.

Ky proces do të jetë i hapur dhe transparent për opinionin publik vendas dhe ndërkombëtar, për të ndaluar kapjen totale të institucioneve të drejtësisë, përmes kapjes së Gjykatës Kushtetuese, institucionit më të rëndësishëm që garanton funksionimin e shtetit të së drejtës në Republikën e Shqipërisë”, shkruan Blushi./L.F-dritare.net

Për t’u bërë pjesë e grupit "Dritare.net" mjafton të klikoni: JOIN GROUP

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.