Na ndiqni edhe në

Ngjarjet e Ditës

Debati për zgjerimin, Tusk: Gabim që Shqipërisë dhe Maqedonisë nuk iu çelën negociatat

Debati për zgjerimin, Tusk: Gabim që Shqipërisë dhe

Presidenti i Këshillit të Europës, Donald Tusk, ka komentuar dhe njëherë vendimin për mos çeljen e negociatave për Shqipërinë dhe Maqedoninë e Veriut me Bashkimin Europian. Tuska tha se ka pasur një debat të vështirë për zgjerimin dhe theksoi se bllokimi i procesit për Tiranën dhe Shkupin ishte një gabim.

“Liderët e BE patën një debat të vështirë mbi zgjerimin në këshillin e BE-së. Pas rekomandimit të qartë të Komisionit Europian për të hapur negociatat me Maqedoninë e Veriut dhe Shqipërinë, pavarësisht kësaj, unanimiteti i kërkuar nuk ishte i mundur javën që lamë pas.

Sipas opinionit tim, ky ishte një gabim të cilin ua kam thënë liderëve të BE-së madje ishte pak më i drejtpërdrejtë. Tani vetëm mund të shpresoj se liderët e BE-së të nxjerrin konkluzionet e duhura dhe ta diskutojnë procesin e zgjerimit përpara samitit të Zagrebit që mbahet në Maj të vitit 2020", u shpreh Tusk./E.B-dritare.net