Biznesmeni i ndërtoi shtëpinë një familjeje, Rama: E bëni për të larë shpirtin

Kryeministri Rama, së bashku me kryebashkiakun Veliaj i dorëzuan çelësat e shtëpisë së re, familjes Myftari, në Sauk, të cilët mbetën në qiell të hapur pas tërmetit të 21 shtatorit. Bashkë me to, i pranishëm ishte edhe një biznesmen, i ciki ka financuar në ndërtimin e kësaj shtëpie. Teksa familjarët mirënjohës, e përmendnin herë pas herë në bisedë, Rama u shpreh se:

“Tani ne nuk do të rrimë duke të lavdëruar ty vëlla. E ke bo për veten tate. Që ta keni të qartë, ti dhe të gjithë ju biznesmenët, kur bëni gjëra të tilla, e bëni për veten tuaj, se lani një pjesë të shpirtit, se të gjithën nuk e lani dot, por një pjesë të paktën. Jua kthen jeta, e puna. Mirë e ke bërë, për veten tënde e ke bërë se ne si me ty si  pa ty, do e kishim bërë. Ty faleminderit, por boll e lavdëruam”./L.F-dritare.net