Na ndiqni edhe në

Ngjarjet e Ditës

“Steve Jobs nuk i lejonte fëmijët e tij të përdornin as iPad, as kompjuter”

“Steve Jobs nuk i lejonte fëmijët e tij të përdornin

Pavarësisht se ishte ai që ndërtoi një nga kompanitë më të mëdha në botë të teknologjisë, Steve Jobs kishte marrë një vendim që të kufizonte rreptësisht përdorimin e tyre nga fëmijët e tij.

Kur vinte puna tek fëmijët, ai merrte një pamje mjaft të rreptë sa i takon përdorimit të këtyre pajisjeve teknologjike.

“Independent” shkruan duke cituar Nick Bilton, i cili kujton një bisedë që kishte bërë me të ndjerin shef ekzekutiv të Apple, pas lançimit të iPad të parë.

Pyetur nëse fëmijët e tij i pëlqenin pajisjet e tij të reja, Jobs dha këtë përgjigje:

“Ata nuk e kanë përdorur atë. Ne kemi kufi se sa do i përdorin pajisjet teknologjike fëmijët tanë në shtëpi.”

Bilton beson se edhe pse e çuditshme, kjo lloj sjelljeje është mjaft e zakonshme në mesin e njerëzve të fuqishëm në botën e teknologjisë, shkruan “Independent”.

Walter Isaacson, autori i Steve Jobs, një biografi e cila vitin e kaluar u bë edhe film, i tha Bilton:

“Çdo mbrëmje Steve darkonte në tryezën e madhe e të gjatë në kuzhinën e tyre, duke diskutuar mbi libra, histori dhe një shumëllojshmëri gjërash. Askush nuk u tërhoq kurrë nga një iPad apo një kompjuter,” tha ai.

“Fëmijët nuk dukeshin të ishin të varur nga pajisjet që vetë babai i tyre kishte shpikur”.