Fatma Haxhialiu: Është vetëm një moment i keq. Njerëzit e mirë të këtij vendi, do të triumfojnë!
E Diel 27 Qershor 2021, 14:02
Dritare.net
“Sa e bukur je Shqipëri”, kështu e nis postimin e saj të fundit gazetarja Fatma Haxhialiu në instagramin e saj, në një nga ditët që mund të mos jetë më e mira për vendin. Por ajo zgjedh ta shikojë me një tjetër sy, ku dallon të mirat e vendit tonë të vogël, që janë më të mëdha se sa të këqijat.
“Të dua kaq fort dhe pse këto kanë qenë ditë të zeza për ty, si një nënë fatkeqe. Unë zgjedh të të shikoj kështu, t'i ulëras gjithë botës bukuritë e tua dhe të prezantoj me të mirën tënde, se t'i meriton faqen e bardhë...dhe pse ta kanë nxirë Shqipëri, unë besoj se ditë të bardha te presin, e se shumë shpejt njerëzit e mirë e shpirt dëlirë të këtij vendi do triumfojnë, është vetëm një moment i keq nënë, të premtoj do kalojë”, shkruan Haxhialiu në instagramin e saj.
View this post on Instagram
