Koronavirusi/ Rama-Bashës: Duhet të jemi një, s'është koha për opozita që flasin për maska të skaduara

Kryeministri i vendit, Edi Rama i ka dërguar një mesazh liderit të opozitës, Lulzim Basha, pas deklaratave të tij se maskat që përdorin mjekët janë të skaduara. Rama thotë se në këtë moment duhet të jemi bashkë.  Ai shprehet se, Kanadaja, Spanja kanë shpërndarë maska që u kanë mbetur stok. Rama krahason maskat me parfumet, duke thënë se edhe kur ai skadon, përdoret, nuk e ka efektin 100% por 99%.

”Skenari i zi është shumë larg. As unë dhe askush nuk duhet të ketë frikë. Nuk është për të pasur frikë. Nuk duhet të na bëjë që mos kemi kujdes.

Pse në Tiranë- Durrës? Sepse këtu kemi vatrën. Mbyllen dhe disa pika të tjera sepse është pjesë e strategjisë për të ulur shpejtësinë e shpërndarjes së luftës.

Ne po ndjekim trendet, ka disa algortime që nëse marrim kaq numra në përqindje me testimet. Njerëzit duhet të kuptojnë që, nuk është absolutisht e këshillueshme kur nuk ndjejnë asgjë dhe të bëjnë teste.

Lani duart, hapni dritaret, mbani fëmijët dhe të moshuarit në shtëpi. Bëjani të moshuarve atë që kanë për të bërë jashtë. Pjesa tjetër është betejë, betejë, betejë.

Atë mesazh që kisha kur ishte tërmeti, atë mesazh që ka çdo njeri normal

Nuk është koha për opozita, për propozime opozitare, për të qenë një. Një opozitë normale në çdo vend, e di dhe si sillen opozitat në vendet e tjera. Një opozitë e përgjegjshme nuk del në TV por shkon në kanalin e duhur që është kanali institucional. Përmes urave institucionale, ndërsa një opozitë që flet për maska të skaduara. Kanadaja dhe gjithmonë edhe më shumë vende të tjera, Spanja kanë shpërndarë të gjitha maskat stok që iu kishte kaluar afati. I kishte kaluar skadenca. Parfumit kur i kalon data e skadencës përdoret, nuk e ka efektivitetin 100% por 99%.”- tha Rama./K.C/dritare.net