I ftuar në “Dritare me Rudinën” në News 24, historiani, Pëllumb Xhufi ka folur në lidhje me djegien e Notre Dame de Paris, të hënën. Xhufi thotë se, ajo që ndodhi në Paris ishte një tragjedi e madhe për njerëzimin. Sipas Xhufit, kjo katedrale bashkon njerëzit e racave dhe feve të ndryshme e nga kjo pikëpamje, ajo që ndodhi, ishte tragjedi për mbarë njerëzimin.
“Padyshim që ishte një tragjedi e madhe për mbarë njerëzimin. Katedralja e Notre Dame bashkon njerëzit e racave të ndryshme, të feve të ndryshme. Ishte një tragjedi për mbarë njerëzimin. Katedralja unë di se është ndërtuar mbi një tempull pagan, pastaj ka historinë e revolucionit francez, ka histori.“,- u shpreh Xhufi./K.C/dritare.net
