Voton Albin Kurti, ja mesazhi i tij për qytetarët!
E Diel 9 Nëntor 2025, 09:09
Dritare.net
Kryeministri në detyrë, Albin Kurti ka ushtruar të drejtën e tij për të votuar në raundin e dytë të zgjedhjeve vendore në Kosovë.
Pas daljes nga qendra e votimit, në një prononcim të shkurtër për mediat, Kurti i bëri thirrje të gjithë qytetarëve për të marrë pjesë në proces.
“Sot është e diel, të gjithë jemi zgjuar herët. Është ditë e mirë për demokracinë e vullnetin e mirë. Kosova mban zgjedhjet në raundin e dytë për balotazh në 18 komuna. Unë porsa votova këtu në Prishtinë. U bëj thirrje të gjithë qytetarëve ta shfrytëzojnë e të bëhen vendimmarrës për kryetarët e komunave dhe për katër-vjeçarin në vijim. Gjithçka do të shkojë mbarë e mirë, edhe KQZ-ja ka bërë përgatitjet, komisionerët e vëzhguesit ndodhen në qendra të votimit”, tha Kurti.
