Shpërthim tritoli në portën e banesës të së moshuarës gjatë natës në Vlorë!
E Diel 30 Nëntor 2025, 09:09
Dritare.net
Një shpërthim i fortë u regjistrua në orët e vona të mbrëmjes së shkuar në lagjen “Partizani” të qytetit të Vlorës. Fatmirësisht, nga shpërthimi nuk ka të lënduar në njerëz.
Shpërthimi kishte shënjestër portën e banesës së 63-vjeçares Bakie Zoto, nëna e Gentjan Zotos.
Ai është dënuar me 35 vite burg nga Gjykata e Apelit për përfshirje në atentatin e ndodhur kundër Inez Hajrullës më 10 maj 2019, në bashkëpunim me disa persona të tjerë.
Njoftimi i policisë:
Po këta specialistë referuan materiale në Prokurori pasi, më datë 29.11.2025, rreth orës 23:38, në rrugën “Ali Demi”, lagjja “Partizani”, në portën e jashtme të banesës së shtetases B. Z., 63 vjeçe, ka shpërthyer një sasi lënde plasëse, nga e cila janë shkaktuar vetëm dëme materiale.
Nën drejtimin e Prokuorisë vijon puna për identifikimin, kapjen e autorëve dhe dokumentimin e plotë të ngjajres./dritare.net
