Sektori i blegtorisë në Shqipëri po përjeton një transformim rrënjësor, duke kaluar nga metodat tradicionale drejt industrializimit dhe bujqësisë inteligjente. Ferma “Vjen”, e nisur në 2005 me 150 krerë, sot numëron 1400 kafshë dhe prodhon deri në 18,000 litra qumësht në ditë.
Procesi i mjeljes kryhet tri herë në ditë, nga ora 03:00 deri në 20:30, duke kombinuar punën manuale me automatizimin modern. Me përdorimin e sensorëve dhe “smart tags”, çdo lopë monitorohet në kohë reale për sasinë dhe cilësinë e qumështit, duke ndihmuar në parandalimin e sëmundjeve si mastiti.
Një nga pikat më kritike të diskutuara është paradoksi i perceptimit publik mbi blegtorinë. Ndërsa statistikat shpesh tregojnë një rënie të numrit total të krerëve në shkallë vendi, realiteti në terren tregon një rritje të rendimentit.
"Nëse më parë një lopë e rendimentit të lartë jepte 18-20 litra, sot mesatarja është 31-32 litra, me individë që arrijnë deri në 45 litra," shpjegon Klajdi Bushi nga ferma Vjen. Shikoni emisionin e plotë këtu!
