Kryeministri publikon pamjet. Ja si duket rruga e re drejt aeroportit Nënë Tereza!
E Shtunë 3 Dhjetor 2022, 09:09
Dritare.net
Kryeministri Edi Rama publikoi në rrjetet sociale foto nga rruga e re që të çon drejt aeroportit ndërkombëtar “Nënë Tereza”. Rama shkruan se ky aks rrugor e hapur që prej ditës së djeshme për qarkullimin e automjeteve, lehtëson lëvizjen e automjeteve dhe iu vjen në ndihmë banorëve të zonës.
Rruga e re krijon një unazë qarkulluese në Aeroportin e Rinasit duke lehtësuar të gjithë trafikun që krijohet veçanërisht gjatë sezonit veror.
Lëvizja drejt aeroportit tashmë do të bëhet edhe nëpërmjet një rruge të re alternative. Aksi i ri i nis nga kthesa e Kasharit dhe përfundon në hyrje të aeroportit duke shmangur trafikun e automjeteve që krijohej në nyjën e bustit të “Nënë Terezës”.
Aeroporti i Rinasit është një nga dy aeroportet në rritje gjatë vitit 2022 ku vetëm deri në 30 tetor të këtij numri i pasagjerëve ka arritur në 4.4 milionë./Xh.Xh/dritare.net
