Giro d'Italia nesër në Vlorë, ja cilat janë rrugët ku qytetarët nuk duhet që të parkojnë mjetet!
E Shtunë 10 Maj 2025, 18:06
Dritare.net
Në kuadër të fazës së tretë dhe përmbyllëse të garës “Giro d’Italia 2025”, që do të zhvillohet më 11 maj 2025, në qytetin e Vlorës, Policia e Shtetit i bën thirrje qytetarëve për të larguar menjëherë mjetet e parkuara në akset ku parkimi është i ndaluar, për të shmangur ndërhyrjen me karotrec.
Policia bënë me dije se, të gjitha mjetet që nuk do të largohen nga drejtuesit, do të zhvendosen nga shërbimi i karotrecit për të liruar rrugët dhe për të garantuar sigurinë e pjesëmarrësve dhe qytetarëve.
Parkimi është i ndaluar në këto akse rrugore:
-Sheshi i Madh (fillimi i Lungomares)
-Aksi Sheshi i Madh – Rruga “Shaban Demiraj”
-Fusha para Shkollës së Marinës
-Rruga “Reshat Osmani”
-Rruga “Veledin Kollozi”
-Aksi “Rrethi i Skelës – Rruga Aleksandria”
-Rruga “Hajredin Haxhiraj”
-Rruga “Mustafa Bello” dhe “Laze Malo”
-Rruga “Aleksandër Moisiu” – Bulevardi “Ismail Qemali” – Rruga “Demokracia” – Rruga “Arben Zylyftari”
-Rruga “Kosova” – Hotel Regina Garden dhe Sheshi “Ismail Qemali”
-Rruga “Sulejman Delvina” (segmenti Poliklinika – Dega Ushtarake) dhe zona e konvikteve të Fakultetit./L.F-dritare.net
