Rama: Shqipërinë e ngritëm nga gërmadhat, bashkë ta fusim në BE!
E Premte 9 Maj 2025, 20:08
Dritare.net
Nga Parku Olimpik ku po mban takimin përmbyllës, kryeministri Edi Rama u kërkoi tiranasve dhe shqiptarëve votën për PS-në më 11 maj.
"Shqipërinë e ngritëm nga gërmadhat, jo thjesht në takimin përmbyllës por në kulmin e një tjetër rrugëtimi ngjitjeje lart drejt majës së Shqipërisë në Evropën e bashkuar, nuk besoj tek rastësitë, s’ka rastësi që sot jemi këtu në 9 maj në ditë e Evropës për të thënë fjalën e fundit të këtij rrugëtimi dhe pastaj për të shkuar së bashku me shumicën dërrmuese të shqiptarëve, për të firmosur aty me njëri tjetrin marrëveshjen e madhe për Shqipërinë në BE. Kur ju më zgjodhët për të udhëhequr ajo majë ishte e paarritshme për shqiptarët ndërkohë që ne ishim të shembur përtokë, ëndrra jonë nisi nga një mjegull e një disfate të rëndë.", tha Rama./K.C/dritare.net
