Drejtori i ri i ndalon policët të mbajnë mjekër!
E Premte 9 Shtator 2022, 22:10
Dritare.net
Në takimin e parë me strukturat drejtuese të Policisë së Shtetit, drejtori i ri Muhamet Rrumbullaku ka paraqitur edhe disa kërkesa.
“Dua drejtorë që të mos komandojnë nga zyra, por të jenë në terren, për të kontrolluar, drejtuar dhe menaxhuar veprimtarinë e strukturave policore. Kërkoj analiza të qarta për realizimin e objektivave që keni marrë që në fillim të vitit, analiza për problematikat dhe propozime për zgjidhjen e tyre. Disiplina në punë dhe performanca në komunitet janë faktorë të rëndësishëm për një organizatë që prodhon rend dhe siguri. Mos toleroni dhe mos ndikoni te strukturat, për të ndihmuar askënd që është në shkelje të ligjit”, mësohet se iu ka thënë Rrumbullaku.
Mes tyre ai ka paraqitur edhe një kërkesë të lidhur me cështje etike dhe kodin e sjelljes së efektivëve të Policisë së Shtetit. Rrumbullaku ka kërkuar të mos ketë asnjë punonjës policie me mjekër./M.K/dritare.net
