Lufta e ndau nga gruaja dhe fëmijët/ Brenda bunkerit ku jeton presidenti ukrainas Volodymyr Zelensky
E Diel 26 Shkurt 2023, 15:03
Dritare.net
Volodymyr Zelensky ka zbuluar dhomën modeste ku jeton larg familjes së tij, teksa drejton heroikisht luftën kundër Vladimir Putinit. Udhëheqësi i luftës së Ukrainës, prej një viti është izoluar në një bunker të rrethuar nga një unazë çeliku në kryeqytetin ukrainas. Ndërsa Putini dërgoi trupat e tij në Ukrainë më 24 shkurt 2022, Zelensky nxitoi në Bankova. Që nga ajo ditë, bunkeri ka strehuar presidentin ukrainas.
Ai i tha gazetarit ukrainas Dmytro Komarov: “Unë e dua familjen time, por për mua si president, të qenit këtu ishte një prioritet. I mblodha gjërat shumë shpejt dhe erdha këtu. Kudo nëpër korridore është errësirë. Kjo është shtëpia ime. Unë jetoj këtu për një vit.”
Zelensky, ka treguar një pasqyrë të dhomës që ai e quan shtëpi larg gruas dhe dy fëmijëve të tij. Ai i bëri Komarovit një vizitë në bunker, duke treguar veshjet e tij të kohës së luftës.
Zelensky tha: "Kam një gardërobë të vogël këtu. Rrobat janë të gjitha njësoj. Gjëra rastësore. Unë nuk përdor kostume tani."
Zelensky zbuloi se mban një kostum si "simbol se lufta do të përfundojë së shpejti. Do të fitojmë së shpejti, kështu që do të veshim sërish kostume.”
Ai tregoi se është mësuar t'i mbajë dritat e fikura, për të shmangur kështu kërcënimet nga ndonjë sulm. Ndërkohë në tavolinën e punës është vendosur një foto e tij me familjen para luftës, përcjell dritare.net
Ndërsa vazhdon të udhëheqë heroikisht vendin e tij përmes pushtimit barbar të Putinit, Zelensky rrallë e sheh gruan e tij Olena, vajzën Aleksandra, 19 vjeç dhe djalin Kiril, 10 vjeç. Në përvjetorin e parë të luftës, Zelensky u përlot ndërsa foli për largësinë nga njerëzit e dashur.
Ai tha: “Gruaja dhe fëmijët e mi janë njerëzit më të rëndësishëm për mua. Nuk arrij t’i shoh shumë shpesh, por jam shumë i lumtur që kam këtë familje. Gjëja më e rëndësishme është t'i bëj ata krenarë për mua."/K.C/dritare.net
