"Mbretëreshë e kuzhinës"/ Manjola Nallbani tregon dhuratën e bashkëshortit, por zbulon një tjetër talent

Një nga zërat më të bukur të muzikës shqiptare, Manjola Nallbani është mjaft aktive në rrjetet sociale, ku nuk ngurron të tregojë detaje nga jeta e saj. E  bukur si gjithmonë, Manjola në postimin e saj të fundit, përveçse tregon një nga pjesët e shtëpisë, kuzhinën, zbulon edhe dhuratën e veçantë që bashkëshorti i ka bërë, një përparse të dedikuar për të.

“Manjola- Queen of the kitchen”, shkruhet në përparëse duke treguar kështu se Manjola nuk është vetëm mbretëreshë në skenë, por edhe një kuzhiniere e zonja.

“Live nga shtepia. Kur burri, të bën dhuratë këtë përparësen e gatimit ku shkruhet- Manjola - Queen of the kitchen☺Hajde motivim hajde! Do e gdhi mbi tenxhere tani, u pa puna”, shkruan ajo ngjitur me foton.

Kujtojmë që bashkëshorti i këngëtares, i quajtur Sokol Tona është një nga gjyqtarët më të respektuar në Gjykatën e Tiranës. Ai ka një karrierë të gjatë në fushën e drejtësisë dhe renditet mes gjyqtarëve më me përvojë. Çifti kanë shumë vite të martuar dhe janë gjithashtu prindër të dy vajzave./dritare.net