Sot, Edlira ka gatuar një byrek me një produkt që ju ndoshta kurrë nuk e keni dëgjuar apo provuar.
Për drekë, ka përgatitur byrek me koçkulla. Koçkulla është një bishtajore që kultivohet dhe njihet në disa zona të shqipërisë si zona e Skraparit, dhe fshatrat e Përmetit.
Koçkullat janë shumë të pasura me proteina dhe niseshte. Gjithashtu përmban sasi të larta kalçiumi dhe fosfori, ashtu si edhe vitamina B dhe Polifenol, që e bën të mundësojë një aktivitet perfekt antioksidues.
Përbërësit:
Petë të pjekura byreku
Koçkulla
1 qepë
Vaj ulliri
Kripë
Pak erëza trumz
Përgatitja:
Në një tenxhere vendosim koçkullat dhe i lëmë të ziejnë, ndërkohë në tigan hedhim vaj ulliri dhe skuqim një qepë. Pasi koçkullat të jenë zier, hedhim kripën dhe shtojmë qepën e skuqur. Më pas i shtojmë erëzat trumz. E trazojmë dhe masën e përdorim për petët e byrekut, të cilat ose i përgatisni vete ose i merrni të gatshme. Mos harroni që njëherë në disa peta të hidhni vaj ulliri. Sapo të jetë gati, piqeni në furrë në temperaturë jo shumë të lartë. Ju bëftë mirë!/E.B-dritare.net
