Si të përgatisni krostatën e Krishtlindjes në shtëpi!
E Enjte 25 Dhjetor 2025, 12:12
Dritare.net
Dritare TV ju tregon recetën e krostatës së krishtlindjeve për ta përgatitur sot në familjet tuaja.
Përbërësit:
500g miell
200g sheqer
200g gjalp
3 vezë
Reçel lyleshtyrdhe
1 portokall
Përgatitja
Si fillim hedhim miellin. Gjalpin e coptojmë dhe nuk duhet të jetë i ngurtë. Më pas hedhim sheqerin dhe e punojmë masën me dorë. Masa punohet deri sa krijohet në trajtën e rërës së shkrifët. Më pas hedhim 3 vezët. Grijmë lëkurën e portokallit. Brumi nis të lidhet dhe ndryshon ngjyrën. Pasi brumi merr ngjyrën e vezës brumin e vendosim në frigorifer për gjysëm ore. Për ta hapur brumin e vendosim mes dy letra furri dhe e hapim. Brumin e hapur e vendosim në tavën e krostatës, atje ku do të piqet. Heqim tepricën e brumit rreth krostatës dhe më pas fushën e mbushim me reçel. Me brumin e mbetur vendosim format mbi shtresën e reçelit. E vendosim në furrë në 180 gradë dhe e lëm deri sa ëmbëlsira të marrë ngjyrë./dritare.net
