Njërin vëlla polic e tjetrin avokat, detaje për njërin nga viktimat e tragjedisë në Prizren!
E Diel 17 Dhjetor 2023, 22:10
Dritare.net
Nata e kaluar ishte e kobshme për tre persona. Lordi Syla, Molos Delija dhe Nue Bibaj, dyshohet të kenë qenë duke parë një garë mes veturash në autostradën “Ibrahim Rugova”.
Njëra nga veturat e ka humbur kontrollin dhe ka goditur shikuesit, ku humbën jetën Syla, Delija dhe Bibaj.
Shoferi i veturës i cili është arrestuar, është familjar i afërt i të ndjerit Lordi Syla.
I ndjeri sipas informatave jozyrtare, kishte shkuar për ta parë garën mes familjarit të tij dhe shoferit të një veture tjetër.
Gazeta Nacionale nga burimet e veta ka mësuar gjithashtu se viktima Lordi Syla, është vëlla i avokatit të njohur, Leutrim Syla. Ndërsa vëllai tjetër i Lordit, është Ali Syla, polic i Kosovës. Kjo mund të shihet edhe nëpër fotografi të ndryshme në rrjete sociale. Edhe polici Syla është gjithashtu figurë e njohur për punën e tij në Policinë e Kosovës.
Babai i Lordit, Muhamet Syla, ishte luftëtar i Ushtrisë Çlirimtare të Kosovës.Muhameti ditën e sotme ka bërë edhe një postim në rrjete sociale.
“Ma kpute zemren bab, ishallah Allahu ne xhehnet”, ka shkruar ai.
