Kontakto redaksinë English
Na ndiqni edhe në
Na ndiqni në YouTube, në kanalin zyrtar të Dritare TV!

Ngjarjet e Ditës

Durrës/Tentoi të grabisë bankën, arrestohet i riu, kërcënoi me thikë punonjësit

E Premte 13 Prill 2018, 12:12

Dritare.net

Durrës/Tentoi të grabisë bankën, arrestohet i riu,
Policia e Durrësit ka vënë në pranga një të ri, i cili me një thikë në dorë ka tentuar të grabisë një bankë të nivelit të dytë, duke kërcënuar punonjësit.

Ngjarja ndodhi rreth orës 11:10 minuta. I riu është identifikuar si Kreshnik Margjoni i datëlindjes 1994 nga Rrësheni, banues në Kënetë. Sipas policisë,Kreshniku është futur në ambientet e një banke të nivelin të dytë i armatosur me thikë. Ai ka kërcënuar punonjësit e arkës për t’i dhëne shumën e parave. Këta të fundit kane njoftuar në kohe policinë, të cilët bene të mundur arrestimin e tij në vend ngjarje.

Njoftimi i Policisë Durrës

Kërcënon me thikë punonjësit e bankës, arrestohet në flagrancë nga Policia.

Më datë 13.04.2018, rreth orës 11:10 në lagjen Nr.4 Durrës, në ambientet  e një banke të nivelit të dytë, shtetasi K.M. 24 vjeç, banues në Durrës, ka tentuar të vjedhë me dhunë, nën kërcënimin e një thike një sasi parash.

Menjëherë në vendngjarje kanë shkuar Efektivët e Policisë, të cilët kanë bërë të mundur kapjen e autorit, sekuestrimin e thikës dhe të parave.

Shtetasi i mësipërm është shoqëruar në ambientet e Komisariatit të Policisë Durrës për kryerjen e veprimeve të mëtejshme procedurale në bashkëpunim me Prokurorinë e Rrethit Gjyqësor Durrës. V.D/Dritare.net/