Prej më shumë se 30 vitesh revista e njohur, People çdo vit nxjerr emrin e mashkullit më seksi në botë, madje në vitin 2002, kjo kategori është regjistruar në Zyrën e Patentave dhe Markave në SHBA, çka do të thotë se asnjë revistë apo media tjetër nuk mund të bëjë një gjë të tillë, pasi ekskluzivitetin e këtij vendimi dhe publikimi e ka “People”.
Këtë javë, “People” zgjodhi John Legend si “Burrin më seksi në botë për vitin 2019”.
Menjëherë pas kësaj, revista e njohur Us Weekly, publikoi një sondazh e më vonë një artikull që u fshijnë, duke shkruar: “Ja cilët janë burrat më seksi në botë, zgjedhur nga ju”.
Por ekskluziviteti që ka “People” me përzgjedhjen e burrit më seksi në botë, ka bërë që kjo revistë të hapë çështje ligjore ndaj Us Weekly, duke thënë se ata nuk kanë të drejtë ta bëjnë këtë gjë.
Gjithsesi mediat botërore, shkruajnë se dy revistat mund ta zgjidhin çështjen miqësisht, pasi edhe Us Weekly e ka fshirë tanimë artikullin./ I.M-Dritare.net
