Miell insektesh në ushqime, BE miraton hyrjen në fuqi në 24 janar!
E Premte 6 Janar 2023, 13:01
Dritare.net
Bashkimi Evropian, ka aprovuar konsumin e miellit të insekteve të padëmshme nga njerëzit duke filluar nga data 24 janar . Insektet renditen si ushqimi i tretë i “çuditshëm”, i lejuar për konsum nga Bashkimi Evropian. Nga korriku i vitit 2021 mund të kemi "shijuar" shijen e krimbit të verdhë, dhe nga nëntori i vitit të kaluar mund të kemi provuar njëlloj karkalec migrues, aprovuar nga rregullorja e Bashkimit Evropian për ushqimet e reja evropiane. Pas kërpudhave dhe karkalecave, do të hamë edhe insektet.
Komisioni i kishte kërkuar Autoritetit Evropian të Sigurisë Ushqimore, më tetë korrik, që të bënte një vlerësim për këtë çështje dhe më 23 mars 2022, EFSA miratoi një opinion shkencor mbi sigurinë e pluhurit pjesërisht të çyndyrosur të Acheta domesticus intero. Për një periudhë pesë vjeçare, duke filluar nga data e hyrjes në fuqi të kësaj rregulloreje, 24 janar 2023, në dispozitë është e përcaktuar, vetëm shoqëria Cricket One Co Ltd, e cila autorizohet të vendosë ushqimin e ri në tregun e Unionit.
Ky miell është miratuar të përdoret në pica, bukë, salca, biskota, cokollata etj.
Rregullorja e BE-së për “ushqimet e reja”:
Tregtimi i insekteve për ushqim është bërë i mundur në Evropë me hyrjen në fuqi të rregullores së BE-së për “ushqimet e reja” më 1 janar 2018, e cila lejon që insektet të njihen si ushqime të reja dhe si produkte tradicionale nga vendet e treta. Për momentin, BE-ja ka autorizuar tashmë për shitje, si ushqim për të sjellë në tryezë, përveç insekteve shtëpiake (Acheta domesticus), larvën e verdhë të miellit (Tenebrio molitor) dhe karkalecin migrator./A.Q-dritare.net
