Viti i ri akademik, Shahini-studentëve: Na shkruani për çdo gjë!
SHKRUAR MË 14 Tetor 2019
Dritare.net
Sot nis viti i ri akademik 2019-2020. Ministrja e Arsimit, Besa Shahini, përmes një videomesazhi në Facebook, thotë se kanë punuar gjatë gjithë verës për realizimin e Paktit të Universitetit. Ajo u bën thirrje të gjithë studentëve të mbajnë komunikim të hapur me ministrinë dhe t'u shkruajnë për çdo gjë.
"Të dashur studente sot fillon viti i ri akademik. ne kemi kaluar të gjithë muajt e verës me realizimin e Paktit të Universitetit Do të vazhdojmë me politikën e përgjysmimit të tarifës, për studentët e ciklit të parë dhe të integruar. Do vijojmë me dhënin e bursave për ekselentët dhe kategorinë në nevojë. Kemi investuar në konvikte, jo vetëm në Tiranë. Ju lutem na shkruani për çdo gjë, nëse keni pyetje dhe shqetësime. Ta mbajmë komunikimin hapur, t'i mbledhim të gjitha energjitë bashkë që ta çojmë përpara 'Paktin për Universitetin" dhe të përmirësojmë cilësinë e arsimit të lartë në Shqipëri", tha Shahini./E.B-dritare.net
https://www.facebook.com/shahinibesa/videos/522609595182818/
