Nënkryetari i LSI-së, Petrit Vasili, me anë të një postimi në facebook, ka shkruar se sipas tij stadiumi i ri Arenës Kombëtare, do të ketë një kapacitet prej 21777 vendesh.
“Kjo Arena Kombetare me tre tribuna,çalamane dhe me nje kulle si paterice ka 21777 vende ne nje Tirane rreth 800 mije banore.Tirana rritet 400% ndersa kapaciteti i stadiumit rritet shume shume pakëz me vetem me 9%.”
Sipas Vasilit, në këtë stadium, nuk do të luhet kurrë një ndeshje e finales së Champions League.
“Ne kete lloj Arene Kombetare kurre nuk mund te zhvillohet ndonje finale e Champions League, Europa League apo kampionateve europiane, kjo për faktin se kjo ka një kapacitet me pak se 22 mijë vendesh, që është nën kufirin e kërkuar nga UEFA prej 40 mijë vendesh. Edhe me shume nuk ju kerkojme dot,shkolle pakesia kaq mendon”, përfundon Vasili./L.F-dritare.net
