Tefta Radi përmbush dëshirën e Françeskut: Largohet nga Shqipëria

Pak para se Françesk Radi të largohej papritur nga jeta, ai dhe bashkëshortja e tij Tefta Radi, kishin blerë biletat për të shkuar në Australi, ku do të jetonin bashkë me djalin e tyre. Por gjërat nuk shkuan siç e kishin menduar dhe humbja e Françeskut s’bëri tjetër veçse nxitoi planet e spikeres së famshme të TVSH-së.

“Me humbjen e Frankos kam humbur kuptimin e jetës”, – tregon Tefta për ‘Paloma’. “Vdekja është e hidhur dhe e rëndë për të gjithë, pavarësisht formës se si vjen. Ne do të niseshim për në Australi. Kishim prerë biletat dhe krejt papritur çdo gjë u shkërmoq para syve tanë”,- thekson spikerja, duke zbuluar kështu pengun më të madh të bashkëshortit, faktin që nuk e shkeli dot kontinentin e largët, të cilit i referohej si një oaz i gjelbër, larg intrigave dhe dallavereve. Tefta është atje tani, duke përmbushur dëshirën e tij, por nuk e përjashton si mundësi rikthimin në Shqipëri. “Natyrisht edhe do të vij. Vendi ynë është zemra jonë”, – përfundon ajo.