Përplasjet mes fermerëve nuk kanë munguar në “Ferma VIP”, edhe pse spektakli ka vetëm pesë ditë që ka startuar. Ishte deklarata e Limit ajo që ndezi gjakrat mes tij dhe Yllit.
Sipas Limit, Ylli është homoseksual, deklaratë e cila është mohuar publikisht në spektaklin e sotëm nga ky i fundit.
Nga ana tjetër, Ylli është shprehur se gjatë një bisede në fermë, Limi e ka kërcënuar.
Pjesë nga biseda:
Ylli: Limi është shumë djalë i mirë, por ai nuk mundet t’a përcaktojë seksualitetin. Është mendimi i tij. Unë e pranoj publikisht që nuk jam gej. Ai më kërcënoi. Më tha: Kur të dalim jashtë, do e shohësh. Nuk thashë që është djalë i keq. Ky është mendimi im.
Limi: Ylli mu duk djalë i mirë, interesant. Më pëlqeu si djalë, por ne u ndamë për disa gjëra. Po flisnim për familjen dhe mu duk fallco. Punët e shtëpisë i bën vetëm për të rënë në sy. Deklaratën e dhashë nga mënyra si rri, si flet, zihet vetëm me gocat. Nuk bëjnë burrat ashtu.
Zhaku: Nuk ka çfarë i duhet Limit. Pse të ndikon seksualiteti i një personi? Çfarë të duhet ty nëse është gej?
Limi: Është e rëndësishme, dua të di kë kam afër.
Zhaku: Ke frikë se të kap me zor natën? Edhe Ylli nuk ka pse justifikohet. Për mendësinë time, nuk i përket askujt seksualiteti i dikujt aty./K.C/dritare.net
