Nora Istrefi tregon raportin që ka me Robertin pas ndarjes!
E Martë 21 Maj 2024, 15:03
Dritare.net
Nora Istrefi ka folur për herë të parë se si është marrëdhënia me ish-partnerin e saj, Robertin, me të cilin ka dhe një vajzë.
Këngëtarja tregon se pas ndarjes komunikimi ka qenë i vështirë por të dy tani janë prindër mjaft të përkushtuar ndaj Renee-s.
“Në fillim, komunikimi ka qenë më i vështirë menjëherë pas ndarjes, por me kalimin e kohës relacioni është bërë shumë i mirë, bashkëpunues për vajzën, për Renee-në. Ndihmon aq sa ka mundësi, e merr vajzën shumë shpesh prej shkollës, sa herë që ka kohë e merre Renee-në, të dy e duam shumë dhe jemi shumë të lumtur që e kemi. Kaq. Jeta vazhdon.
Ne jemi shumë të përkushtuar dhe ku është Renee, ne me vrap, jemi të dy shumë të përkushtuar dhe Roberti është tepër i përkushtuar dhe e do shumë vajzën. Jeta vazhdon siç thashë, ne kemi pasur një lidhje shumë të gjatë, pas 14 vitesh, unë jam lidhur shumë herët me Robertin, e kam treguar edhe në intervista më herët. Jam e lumtur që e kemi Renee-në pas një lidhjeje të bukur, të gjatë që e kemi pasur dhe bëjmë gjithçka për të”, tha Nora tek 1 kafe me Labin./M.K-dritare.net
