Ina Aderi: Ja si rashë në dashuri me Keijsin! Për puthjen nuk jam penduar
E Mërkurë 18 Shkurt 2026, 17:05
Dritare.net
Ina Aderi është banorja e radhës që la shtëpinë e Big Brother VIP Albania mbrëmjen e djeshme. Në një intervistë për Shqipëria Live, ajo foli për eksperiencën në reality show, marrëdhënien me Kejsi dhe momentet emocionale që përjetoi, duke theksuar se nuk është penduar për puthjen mes tyre, ndërsa sqaroi edhe raportin me Stelina.
"Të parin takova Keijsin, pastaj familjen. Ne nuk patëm një histori jashtë, historia jonë ka nisur në BBV. Përveç miqësisë ne po kuptonin që diçka po ndodhte mes nesh. ‘The eyes never lies’, është një shprehje.
Bisedën me Stelinën ishte një bisedë si femra femrës. Unë skam treguar në asnjë moment mungesë respekti ndaj saj. U shpreha për ndjesitë e mira, mora ca përgjigje që nuk i prisja nga ajo vajza. Gjërat morën kohën e tyre dhe mendoj se janë aty ku duhet.
Aty brenda dyshon dhe me veten, nuk i beson dot as vetes. Aty dyshon. Pata një momente dobësie për të cilën u pendova shumë shpejt, u ndjeva keq që i lëshova dorën Keijsit. Për puthjen nuk jam penduar absolutisht. Ishte shumë spontane. Nuk u pendova asnjë sekondë. Ndjenjat kur janë të pastra janë të bukura.
Kur dikë e ke mik, i hap zemrën, pa paragjykime. Ne kemi folur me njëri tjetrin shumë sinqerisht dhe kjo më bëri të krijoja besim tek ai. Është një mashkull që më jep shumë siguri, më mbështet, përkujdesës”, u shpreh Ina./K.C/dritare.net
