Këngëtarja me famë botërore, Dua Lipa, ka ndarë me ndjekësit e saj një moment të veçantë nga pushimet në Shqipëri. Në një postim në rrjetet sociale, ajo ka publikuar një pamje spektakolare të një perëndimi dielli mbi det, me mbishkrimin: "Made it home in time for this gorgeous sunset", duke treguar se është kthyer në shtëpi pikërisht në kohë për të shijuar këtë peizazh magjepsës.
Pamja që ka shpërndarë këngëtarja tregon një pishinë luksoze me pamje nga deti, natyrë të paprekur dhe ngjyrat e ndezura të perëndimit që e bëjnë skenën pothuajse përrallore. Edhe pse nuk ka treguar vendndodhjen e saktë, duket se ajo ndodhet në jug të Shqipërisë, ku shpesh kalon pushimet verore me familjen e saj.
Dua Lipa është shprehur gjithnjë krenare për origjinën e saj shqiptare dhe këtë verë duket se po e shijon sërish në atdhe, mes natyrës dhe qetësisë që ofron bregdeti shqiptar./K.C/dritare.net
