Armina Mevlani i jep fund spekulimeve për një shtatzëni të mundshme
E Shtunë 21 Qershor 2025, 22:10
Dritare.net
Pas valës së komenteve dhe dyshimeve në rrjetet sociale për një shtatzëni të mundshme, Armina Mevlani ka vendosur të reagojë publikisht dhe të sqarojë të vërtetën. Influencerja e njohur shqiptare i ka dhënë fund zërave, duke konfirmuar se nuk është shtatzënë dhe se ndryshimet në peshën e saj trupore vijnë si pasojë e problemeve shëndetësore.
“Mënyra se si komentohet në portale është e tmerrshme. Nëse do më ndodhte, nuk do ta thoja. Por pas këtyre reagimeve kam thënë: ‘A duhet vërtet ta them?’”, u shpreh Mevlani, duke theksuar se ishte pikërisht presioni publik ai që e shtyu drejt një reagimi.
Ajo shtoi se pavarësisht komenteve, nuk i kushton më rëndësi mendimeve të të tjerëve. “Unë besoj te syri, më ecin gjërat ters kur mendojnë që reagojnë kështu. Nuk e kam vrarë mendjen për çfarë do të thonin njerëzit. Vjen një moshë që s’të intereson më, krijon imunitet”, tha Mevlani me sinqeritet./L.F-dritare.net
