Albina Kelmendi para finales: Votoni ta sjellim Eurovizionin në Shqipëri!
E Shtunë 13 Maj 2023, 19:07
Dritare.net
Sonte të gjithë do të këndojmë bashkë me Albinën dhe familjen Kelmendi. Kënga “Duje” do të elektrizojë skenën e Eurovizion në natën finale që do të mbahet sonte në Liverpul. Ndaj edhe mbështetja për këngën që do të përfaqësojë Shqipërinë duhet të jetë maksimale. Pak para se të nisë finalja, Albina u ka dërguar një mesazh të gjithë shqiptarëve.
“Përshëndetje e madhe nga Liverpuli! Sot është finalja e madhe. Edhe njëherë kemi nevojë më shumë se kurrë për mbështetjen tuaj. Votoni, votoni, numrin 10. Votoni numrin e shqiponjës që ta sjellim Eurovizionin në Shqipëri.”, thotë Albina./K.C/dritare.net
