Përbërësit për 6-8 persona:
220 gr biskota të thata
120gr gjalpë në temperaturë ambienti
80 gr çokollatë e errët
35 gr kakao
80gr sheqer
70 g lajthi të qëruara
Një gotë e vogël rum (nëse dëshironi)
Qumësht sa nevojitet
Përgatitja:
Grimconi me duart biskotat në një tas të madh dhe shtoni kakaon.
Bashkoni sheqerin dhe përziejeni mirë. Në këtë masë shtoni edhe çokollatën e shkrirë dhe gjalpin e butë në copa të vogla.
Përziejeni mirë të gjithën me duart derisa të arrini një masë homogjene. Më pas bashkoni lajthitë, 2-3 lugë qumësht dhe rumin.
Vazhdoni përziejeni mirë. Më pas, filloni ta rrotulloni dhe t’i jepni formën e një sallami duke e punuar me duar mbi tavolinën të spërkatur paraprakisht me sheqer pluhur. Rrotullojeni mirë dhe vendoseni në letër alumini. Futeni në frigorifer që të ngurtësohet për të paktën një orë, më pas jeni të lirshëm të kënaqeni me këtë ëmbëlsirë të freskët dhe të shijshme. Ju bëftë mirë!/dritare.net/
