Rama në Surrel:  Një e shtunë ndryshe në shkollën e re të katundit tonë

Kryeministri Edi Rama, vizitoi sot shkollën e mesme të bashkuar Ymer Lala, në Surrel. Pas përfundimit të punimeve, tashmë kjo shkollë ofron kushte më të mira, për 300 nxënës.  Përmes një postimi në facebook-un e tij, kreu i qeverisë shkroi se sot kaloi një ditë ndryshe, në shkollën e katundit të tij. Ai u shpreh se shkolla e Surrelit renditet në vendin e 12-të në kryeqytet, ndërsa synimi është që kjo shkollë të renditet në 10  më të mirat në Tiranë.

"Një e shtunë ndryshe në oborrin e shkollës së katunit tonë dhe mjediset e saj të transformuar rrënjësisht, duke krijuar kushte optimale për nxënësit e mësuesit me investimin e parë serioz për këtë shkollë qysh nga viti 1969.

Krenar për këta nxënës e mësues, që me rezultatet e tyre e rendisin shkollën e Surrelit në vendin e 12 në kryeqytet? Dhe shumë #RESPEKT për prindërit punëtorë gjyshërit e tyre të mrekullueshëm të nxënësve që rrisin fëmijë kaq shembullorë?

Sfida e komunitetit tonë është ta ngjisim shkollën në 10-shen e parë", shkroi Rama në facebook./L.F-dritare.net