Shpesh mendojmë se po bëjmë zgjedhje të mira ushqimore, por realiteti është ndryshe. Ja tre ushqime që duken të shëndetshme, por në të vërtetë mund t’i bëjnë dëm trupit tonë:
1. Kosi me fruta
Në pamje të parë duket si një alternativë perfekte për mëngjes apo snack. Por shumica e kosrave me fruta përmbajnë sasi të larta sheqeri të shtuar dhe aditivësh. Zgjidhja më e mirë? Kos natyral + fruta të freskëta!
2. Drithërat “integralë” të paketuar
Shumë prej tyre reklamohen si të pasur me fibra, por përmbajnë sheqer, ngjyrues dhe pak vlera ushqyese. Lexoni etiketat dhe shmangni ato me shumë përbërës artificialë.
3. Smoothie të gatshëm ose të shitur në markete
Edhe pse duken si bomba vitaminash, shumë prej tyre kanë më shumë sheqer se një kanaçe pijesh të gazuara. Bëjini vetë në shtëpi me fruta të freskëta dhe pa sheqer të shtuar!
