Presidentja e BE: Negociatat, para majit 2020

Presidentja e Parlamentit Europian, Ursula von der leyen në një konferencë për mediat nga Brukseli, ka folur pas samitit të sigurisë në Mynih duke dhënë sinjale të qarta se Shqipëria dhe Maqedonia e Veriut janë më afër se kurrë hapjes së negociatave.

Sipas planit të ri të zgjerimit, Ursula von der leyen, ka thënë se shpresojmë që negociatat do të hapen para samitit të Zagrebit që mbahet në maj të këtij viti.

Ursula von der leyen; Sonte, siç e dini kishim prioritet Ballkanin Perëndimor në Komision dhe e dini që është në interesin e përbashkët ta kemi sa më afër Bashkimit Europian Ballkanin Perëndimor. E dini që kemi rishikuar metodologjinë tonë dhe pas rishikimit kjo metodologji duhet të krijojë dhe rifitojë besimin e ndërsjelltë te procesi sepse përshpejton status quo-n e reformave dhe nga ana tjetër krijon prespektivë të besueshme për Ballkanin Perëndimor që t'i bashkohen në të ardhmen BE-së. Gjithashtu i hap rrugën Maqedonisë së Veriut dhe Shqipërisë për të nisur negociatat për anëtarësim në BE mundësisht para Samitit të Zagrebit. Në lidhje me samitin po përgatisim një paketë investimesh nga Komisioni dhe shpresojmë që Këshilli të japë dritën jeshile në këtë aspekt. Nesër do të mbahet Konferenca e donatorëve për Shqipërinë me qëllim që të ngremë fonde për rindërtimin pas tërmetit të rëndë që ka goditur Shqipërinë. Faleminderit./ I.M-Dritare.net

https://youtu.be/HJ0ggBJjqG0