Vrasja e Ilaria Sulës, rrëfehet autori: Çfarë ndodhi mëngjesin e 26 marsit!
E Premte 4 Prill 2025, 19:07
Dritare.net
“Ajo më solli disa rroba më pas ndaloi të flinte këtu. Mëngjesin e 26 marsit e godita me thikë pasi pashë një mesazh që mori nga një djalë tjetër. E mbështolla trupin me celofan dhe më pas në një qese dhe e futa në valixhe. Nuk e kam paramenduar krimin."
Këto janë fjalët e para të Mark Antony Samsonit, i cili rrëfeu vrasjen e Ilaria Sulës, gjatë marrjes në pyetje në gjykatë. I dyshuari shpjegoi se e reja kishte shkuar në banesën e tij në via Homs, në lagjen afrikane, që t'i kthente disa rroba vonë në mbrëmje dhe për këtë arsye preferoi të flinte me ish-in për të shmangur marrjen e transportit publik. Të dy së fundmi i kishin dhënë fund një lidhjeje që kishte vazhduar për disa muaj me ulje-ngritje.
Pesë orë marrje në pyetje
Pesë orë ka zgjatur marrja në pyetje para gjyqtarit për hetimet paraprake për Samsonin, i hetuar për vrasjen e rëndë të 22-vjeçares dhe fshehjen e trupit. I ndihmuar nga avokati Alessandro Pillitu, 23-vjeçari me origjinë filipinase, i sapodiplomuar për Arkitekturë në Universitetin Sapienza, iu përgjigj të gjitha pyetjeve të gjyqtarit si për të rindërtuar ngjarjet e natës midis 25 dhe 26 marsit, ashtu edhe për të sqaruar pikat ende të paqarta të vrasjes, duke filluar nga roli i saktë i sulmit dhe ndihma e prindërve të tij, si e ngarkoi trupin në makinë pasi e mbylli në një valixhe, deri në shpjegimin se pse i dha ato plagë me thikë.
Samsoni kishte preferuar të mos u përgjigjej shumë pyetjeve të prokurorit Presta, të koordinuara në hetimet nga deputeti Giuseppe Cascini.
Ndërkohë që vijojnë hetimet për verifikimin e disa deklaratave të Samsonit, objektivi i policisë dhe prokurorisë është zhvendosur ndërkohë te mamaja e djalit. Pozicioni i gruas dhe disa deklarata të saj, kanë vënë në dyshim hetuesit, të cilët kanë vendosur të hetojnë rolin që ajo mund të ketë pasur në vrasjen, e cila sipas policisë është kryer brenda shtëpisë së familjes. I dyshuari këmbëngul se ka vepruar i vetëm./K.C/dritare.net
