A do të mbyllet TikTok në SHBA? Ja çfarë vendosi Donald Trump
E Premte 4 Prill 2025, 20:08
Dritare.net
Presidenti i SHBA Donald Trump ka zgjatur afatin për të respektuar një ligj që kërkon që kompania mëmë e TikTok "ByteDance" ta shesë aplikacionin e njohur video te një blerës amerikan.
Zgjatja 75-ditore vjen pasi administrata finalizon një plan për të mbajtur aplikacionin e njohur të funksionojë në SHBA.
Platforma e mediave sociale, e cila përdoret nga 170 milionë persona në SHBA, fillimisht u bllokua për disa orë përpara se Trump të merrte detyrën, ndërsa aplikacioni përgatitej të mbyllej në SHBA për shkak të një ligji të miratuar nga Kongresi.
"Marrëveshja kërkon më shumë punë për të siguruar që të gjitha miratimet e nevojshme janë nënshkruar," postoi Trump në platformën e mediave sociale Truth Social të premten./K.C/dritare.net
