Autor i mbi 280 botimeve me një veprimtari shkencore të zhvilluar kryesisht në dy fusha: në të drejtën penale dhe në të drejtën zakonore, profesor doktor Ismet Elezi flet sot në Dritare TV për sistemin e drejtësisë për të cilin ka dhënë një kontribut të paçmuar, kryesisht në hartimin e legjislacionit penal shqiptar.
Për SPAK profesor Elezi thotë se është i ligjshëm.
“SPAK vetë është i ligjshëm, në konceptim. Pse u krijua dhe si u krijua. U krijua mbi baza demokratike. Por në themel nuk ka mundësi të ekzistojë SPAK jashtë sistemit ekonomike shoqëror. Personalisht kam mendimin se nuk duhet marrë i shkëputur sistemi i drejtësisë nga sistemi ekonomiko shoqëror. Sistemi ekonomiko shoqëror është në themel të drejtësisë”, u shpreh profesor Elezi në Dritare TV./L.F-dritare.net
