Shkarkohet Balluku, Rama ndryshon qeverinë! Flasin qytetarët!
E Premte 27 Shkurt 2026, 14:02
Dritare.net
Kryeministri Edi Rama prezantoi ndryshime të rëndësishme në kabinetin qeveritar pas mbledhjes së Grupit Parlamentar të Partisë Socialiste.
Qytetarët e pyetur nga DritareTV u shfaqën të ndarë për lëvizjet në qeveri. Një pjesë i konsiderojnë të domosdoshme ndryshimet dhe largimin e Ballukut, duke e cilësuar si një vendim të vonuar. Të tjerë u shprehën indiferentë.
Një pjesë e qytetarëve u shprehën se do të mund të japin një vlerësim vetëm pasi të shohin performancën e ministrave të sapoemëruar.
Duhej të ishte bërë më përpara. Nëse ka shkelje, mirë ja bëjnë që e heqin,” – shprehet një qytetar, duke theksuar se përgjegjësia duhet të jetë parësore.
Të tjerë e shohin lëvizjen si pjesë normale të funksionimit të qeverisë.
“Po punuan mirë, le të rrinë. Po s’punuan mirë, le të ikin. Askush s’është i pazëvendësueshëm,”- thotë një tjetër.
Megjithatë, nuk mungojnë as zërat indiferentë, që shprehen të lodhur nga politika.
“S’kam haber fare. Të bëjnë çfarë të duan. Nuk merrem me politikë,”
Një pjesë e qytetarëve preferojnë të mos japin një gjykim të menjëhershëm, por të presin rezultatet konkrete.
“T’i shohim në punë ministrat e rinj, pastaj flasim,” – thotë një qytetar, duke theksuar se performanca do të jetë prova e vërtetë.
Kujtojmë që kryeministri Edi Rama ka bërë disa ndryshime në Qeveri duke shkarkuar edhe Belinda Ballukun si zv.kryeministre dhe ministre të Infrastrukturës dhe Energjitikës, e cila është nën hetim nga SPAK për korrupsion.
Ndryshimet në Qeveri:
Albana Koçiu zv.kryeministre-zëvendëson Belinda Ballukun
Besfort Lamallari Minister i Brendshëm- zëvendëson Albana Koçiun
Toni Gogu ministër Drejtësie- zëvendëson Besfort Lamallarin
Ferit Hoxha minister i Jashtem- ikën Elisa Spiropali
Enea Karakaçi ministër Infrastrukture dhe Energjitike-zevendëson Belinda Ballukun
Ermal Nufi ministër i Mbrojtjes- ikën Pirro Vengu
Eriona Ismaili ministër për Marrëdheniet me Parlamentin-zëvendeson Toni Gogun/E.P-dritare.net
