Presidenti amerikan Donald Trump do të zbulojë sot një plan tarifor që prek të gjitha vendet që importojnë nga SHBA. Ende nuk ka asnjë informacion në lidhje me vendet konkrete që preken nga këto plane tarifore. Trump e cilësoi këtë plan si çlirim për Amerikën, duke thënë se do të çlirojë SHBA-të nga praktikat e padrejta të shumë dekadave që kanë shkatërruar vendin, informon dritare.net.
Presidenti Trump ka deklaruar kohët e fundit se tarifat duhet të jenë reciproke. Pasi të shpallen, ato tarifa do të hyjnë në fuqi menjëherë sipas zëdhënëses zyrtare të Shtëpisë së Bardhë. Kjo do të thotë se asnjë vend nuk ka kohë të përshtatet me këtë plan që mund të shkaktojë trazira të mëdha.
Trump ka hequr dorë nga paralajmërimet për rritjen e çmimeve për konsumatorët amerikanë dhe po injoron rënien e tregjeve të aksioneve ndërsa ndjek planin e tij. Ai beson se plani i tij do të gjenerojë miliarda dollarë si dhe kthimin e vendeve të punës dhe prodhimit në SHBA. Planet për tarifa gjithëpërfshirëse do të zbulohen nga presidenti të mërkurën në mbrëmje.
Nga nesër një taksë e re e importit prej 25% për makinat do të hyjë në fuqi nesër. Tarifa të tjera kanë hyrë në zbatim si ajo për çelikun dhe aluminin që hy në SHBA, e cila u rrit me 25%. Trump gjithashtu ka rritur tashmë tarifat për të gjitha mallrat e importuara nga Kina në 20%
Kanadaja ka reaguar ndaj tarifave, duke vendosur një taksë prej 25% për çelikun dhe aluminin amerikan, siç ka bërë Kina me një taksë 10-15% për disa mallra bujqësore amerikane.
BE-ja ka paralajmëruar se është e gatshme të hakmerret, ndërsa Britania e Madhe ka thënë se është e përgatitur për më të keqen./L.F-dritare.net
