Tarifat shokuese të Trump: 25% për makinat e importuara në SHBA nga e gjithë bota
E Mërkurë 2 Prill 2025, 22:10
Dritare.net
Nga Kopshti i Trëndafilave të Shtëpisë së Bardhë, Donald Trump njoftoi planin e tij për të vendosur tarifa për importet. Në nisje të fjalës së tij Trump tha se sot është dita kur do të çlirohet Amerika, edhe do të bëhet sërish e pasur.
“Kemi një lajm shumë, shumë të mirë sot. Shumë gjëra të mira po ndodhin për vendin tonë. Sot është Dita e Çlirimit. 2 Prilli 2025 do të mbetet përgjithmonë në histori si dita kur industria amerikane u rilind, dita kur u pretendua fati i Amerikës dhe dita kur filluam ta bëjmë Amerikën përsëri të pasur. Tatimpaguesit tanë janë grabitur për më shumë se 50 vjet, por kjo nuk do të ndodhë më.", tha Trump.
Presidenti i SHBA-së njoftoi se kishte firmosur tarifa 25% për makinat e importuara në SHBA nga e gjithë bota.
Duke u tallur me partnerët tregtarë amerikanë, Trump thotë: "Ne duam t'ju dërgojmë makinat tona. Ne duam t'ju dërgojmë çdo gjë, por nuk do të marrim asgjë që keni".
Ai ankohet se vendet e BE-së nuk duan shpendë amerikanë dhe se Australia refuzon të blejë mish viçi amerikan.
"Ata nuk dun të marrin nga mishi ynë i viçit. Ata nuk e duan atë, ata nuk duan që të prekë fermerët tanë."
Japonia, Koreja e Jugut dhe Kina "nuk duan që ne ta shesim orizin atje", shton ai./K.C/dritare.net
