Shqipëria në BE, Rama: Sfidë, pakthyeshmëria e reformës në drejtësi
E Enjte 3 Prill 2025, 11:11
Dritare.net
Kryeministri Edi Rama tha se sfidë mbetet pakthyeshmëria e reformës në drejtësi. Në momentin në BE, atëherë drejtësia do të jetë e paprekshme.
"Nuk negocion qeveria e Shqipërisë me BE, negocion i gjithë shteti shqiptar, një numër i madh institucionesh të pavarura agjencish dhe nevoja që skuadër kombëtare të jetë e koordinuar është themelore. Përpara kujt do të përgjigjet cilido nga institucionet që nuk performon si duhet në tryezën e negociatave. Përpara qeverisë nuk është e mundur, qeveria përgjigjet për veten e vet, dhe qeveria jep llogari në parlament nëse nuk është duke përmbushur një objektiv të këtij procesi historik. Të gjithë duhet t’i referohen kuvendit.
Celebrimi i atyre që kemi arritur është i lehtë, por përmirësimi dhe adresimi i çfarë kemi mësuar në 10 vjet se nuk shkon është i vështirë dhe nuk mund të ketë përmirësim nëse nuk kontribuojnë të gjithë nga këndvështrimi i tyre se si duhen prekur ligjet dhe duhet ndërhyrë në ngrehinën që kemi ngritur së bashku dhe që të funksionojë më mirë. Garantimi i pakthyeshmërisë i reformës në drejtësi është sfida e sfidave. Kur të hyjmë në BE, nuk është më alarm, por deri kur të hyjmë në BE duhet të jetë një alarm i vazhdueshëm që reforma në drejtësi të jetë e pakthyeshme, që institucionet e drejtësisë të jenë të paprekshme. Këto gjëra kanë ndodhur në historinë e Shqipërisë më shumë se një herë dhe s’ka arsye. Prandaj është i rëndësishëm ky komision dhe që pakthyeshmëria të jetë një nga pikat kyçe të referimit tonë”, tha Rama./L.F-dritare.net
