Icardi akuzon Wanda Narën se i ka vjedhur 7 milionë euro
E Enjte 3 Prill 2025, 17:05
Dritare.net
Goditja me thikë pas shpinë në rastin Icardi-Nara. Çifti u divorcua zyrtarisht më 21 mars 2025, por çështjet lidhur me kujdestarinë e dy fëmijëve dhe pronën e tyre të përbashkët mbeten pezull.
Pala ligjore e Mauro Icardit pretendon se Wanda Nara hoqi 5 milionë euro nga llogaria e tyre e përbashkët dhe 2 milionë euro të tjera nga një llogari ku ishin depozituar të ardhurat e Icardit nga bluzat dhe aksesorët. Wanda Nara i ka transferuar në llogarinë e saj personale, siç raporton gazetari argjentinas Gustavo Mendez.
Skuadra e Icardit ngriti një padi kundër Narës dhe kërkoi dëmshpërblim me arsyetimin se transfertat e parave ishin bërë pa pëlqimin e sulmuesit argjentinas. Ata gjithashtu paraqitën dokumente që zbulonin transaksionet bankare të Wanda.
Kujtojmë se Icardi, që prej muajit nëntor, ka gjetur dashurinë tek modelja Chyna Suarez, diçka që kishte zemëruar ish-bashkëshorten e tij. Ajo prej disa kohësh është në një lidhje me reperin argjentinas, L Gante./K.C/dritare.net
